دئریدا-نین سیاست فلسفه‌سینه قاتقی‌سی نه‌دیر؟ ١٩٦٠-لاردا بیر فئنومئنولوژی یورومچوسو اولاراق باشلایان فلسفی ایشی، موجودیت مئتافیزیکی‌نین "یازی"نی یئنیده‌ن دؤشونن بیر یاپی‌سوٴکومو بیچیمینی آلمیشدیر. بو یاپی‌سوٴکومو سوره‌جیندن سیاست فلسفه‌سینه ایلیشکین (مربوط) نتیجه‌لر چیخار البته. میثال اوچون، De la grammatologie-ده گئچن روسو دارتیشماسیندا مودئرن توپلومسال سوٴزلشمه نظریه‌لرینین مشروع بیر حاکیمیت مفهومو قورماق اوچون باش ووردوقلاری "طبیعی/اجتماعی حیات" ضدیتی‌نین نئجه مسئله‌لشدیریله‌بیله‌جگی گؤستریلر. دئریدا، روسو-نون قوردوغو ضدیتین بیر علاوه منطقی‌نه (la logique du suplément) دایاندیغینی اورتایا قویار. بو سوره‌جده سیاسی حاکیمیتی مشرولاشدیران شئی‌ین اینسان طبیعتی اولدوغو فیکری عمومیتله شبهه‌لی حالا گلر. فرقلی هدفلری اولان متینلرده قارشیلاشابیله‌جه‌ییمیز یوٴنلندیریجی (جهت وئریجی) یازیلار بیر یانا، دئریدا 1980-لرده سیاست فلسفه‌سی ساحه‌سینده اهمیتلی بیر مقاله یازمیشدیر. "استقلال بیانیه‌لری". آمئریکان استقلال بیانیه‌سی، بیر خالقین اؤزونو تمثیلچیلری‌نین تمثیلچی‌سی یولویلا بوتون اینسانلیق آدینا مستقل اعلان ائتمه‌سی، حادثه‌سی‌دیر. دئریدا بو یازیدا سیاسته عمومی چرچیوه‌سینی جیزان، حقوقون دایاندیغی اساسین، قوروجو بیر ائدیمین (اقدامین) عملکردیندن باشقا بیر شئی اولمادیغینی ایره‌لی سورَر. بو عملکردین احتوا ائتدیگی و گیزله‌دیگی مختلف تضادلارین اینجه‌لنمه‌سی "اساسین اساسسیز" (fond sans fons) اولدوغونو بیزه آیدینلادار.

ژ.ل. آوستین-ین قضیه‌لر یولویلا بیر ایش یاپان، بیر شئیی مئیدانا کتیرَن عملی اقداملارینی سیاست فلسفه‌سی ساحه‌سینده تاٴثیرلی بیر شکیلده یوروملایان دئریدا، بئله‌لیکله مدنی جامعه‌نی، دؤولتی، حقوقو مشروع‌لاشدیران، اساسلاندیران سؤیلملری شبهه‌لی قیلار. ایلک آتدیمدا دئریدا-نی اجتماعی سؤزلشمه نظریه‌لرینین بیر منتقدی اولاراق اله آلماق ممکن‌دور. اجتماعی سؤزلشمه‌نی بالفعل مئیدانا گتیرَن اقداملار، بیر حق انتقالی (Hobbes)، بیر حق‌دن واز گئچیش (Locke)، اؤزونو بیر بوتونه وئرمه (Rousseau) کیمی، اصلینده تاریخی اولاراق هئچ بیر زامان گئرچکلشمه‌میش (واقع اولمامیش) حادثه‌لری تعیین ائدرلر.